22 Mars 2005

Tiranë 21 Mars 2005- Qendra e të Drejtave të Fëmijëve në Tiranë- CRCA
dhe CISP (Komiteti Ndërkombëtar për Zhvillimin e Popujve) një
Organizatë
e rëndësishme Italiane prezente në Shqipëri, bashkuan forcat për
sensibilizimin e fëmijëve dhe familjeve në Shqipëri mbi çështjet e
integrimit të fëmijëve me aftësi të kufizuara në shkolla dhe shoqëri.

CISP ka punuar për shumë vjet në disa nga zonat më të varfëra të
Shqipërisë për fëmijët me aftësi të kufizuara, si në Krujë, Fushë-
Krujë
dhe Laç.
Ndërkohë CRCA, si organizata më e madhe e të drejtave të fëmijëve në
vend, ka një eksperiencë të madhe në organizimin e fushatave
sensibilizuese dhe publike dhe për fëmijët.

Qëllimi i fushatës është sensibilizimi i opinionit publik, fëmijëve dhe
Qeverisë Shqiptare mbi situatën e fëmijëve me aftësi të kufizuara në
Shqipëri dhe nevojën e masave të duhura për të asistuar integrimin e
tyre në shkollat publike dhe në shoqëri. Vetëm pak fëmijë me aftësi të
kufizuara janë integruar dhe mund te ndjekin zyrtarisht shkollën së
bashku me fëmijët e tjerë normal. Pak lehtësira janë vënë në
dispozicion, megjithëse Strategjia Kombëtare kërkon të bazohet në
krijimin e lehtësirave.

Gjatë fushatës 15 ditore së bashku CISP dhe CRCA kanë për qëllim
sensibilizimin e më shumë se 6000 fëmijëve dhe familjeve për të drejtat
e fëmijëve me aftësi të kufizuara. Në fund të fushatës organizatat kanë
planifikuar të dërgojnë një letër të hapur drejtuar Presidentit dhe
Kryeministrit të Shqipërisë, me mesazhe të fëmijëve me aftësi të
kufizuara, që do të ndjekin aktivitetet e fushatës.

Për më shumë informacion, ju lutem kontaktoni:

Qendra e të Drejtave të Fëmijëve Shqipëri - CRCA
Tel / Fax: + 355 4 242264
E-mail: crca@adanet.com.al

back to top